“ကွယ်ဒေါင့်ကလေးများ”
“ဟာ…….အပျိုကြီးတွေ ဈေးအဝေးကြီးကို တကူးတက
လာလိုက်ကြတာဟေ့” လို့ ကျွန်တော်တို့နေ့စဉ်ထိတွေ့ သွားလာနေရသော ရုံးမှ အပျိုကြီးမမတို့အား
နောက်လိုက်မိသောအခါ “ဟဲ့….အကောင်တွေရဲ့ ငါတို့က ထားရာနေ စေရာသွားနေရတဲ့ ဘုံကျွန်တွေဟဲ့…..နင်တို့လို
လက်ဖက်ရည်ဆိုင်တကာ လည်သွားနိုင်တဲ့ အားအားယားယားတွေ မဟုတ်ဘူး” လို့ပြန်တွယ်သည်။
“ အခုအမတို့က ဒါဘာလာလုပ်ကြတာလဲ” ဆိုတော့
“ငါတို့ မဖုရားသခင်က ယတြာချေချင်တယ် ဆိုလို့ ဟေ့…..ပန်းနဲ့တခြားတိုလီမုတ်စတွေ လာဝယ်တာ…..တကတည်းသိလား….. ရုံးအားရက်
တနင်္ဂနွေလေးတောင် အေးအေးဆေးဆေး မနားရပါဘူးဟယ်…..သူတို့ဝေယျာဝစ္စတွေ
လိုက်မနေ ရတာ…..သွားမယ်ဟေ့…..ယတြာချိန် နောက်ကျလို့ ဟိုက ပုပ်သိုးနေအုံးမယ်” ဆိုကာ စာရေးမမ အပျိုကြီးတို့ တစ်သိုက်
ပြောချင်တာတွေ ပြောလိုက်ရလို့ အမောတွေ ပြေသွားသည့်ထင်
ချာကနဲ လှည့်ထွက် သွားကြသည်။
သူတို့ဘဝကလည်း သနားစရာ။ တနင်္လာက သောကြာအဆုံး။
စနေတစ်ရက်လုံးက အချိန်ပို သည်နားရတဲ့ တနင်္ဂနွေက ဝေယျာဝစ္စတဲ့။ ရုံးတက်ချိန်က ကြည့်အုံး။
မနက်(၈)နာရီကစလို့ ညနေ(၄)နာရီ ရုံးဆင်းတော့ အရာရှိကသာ အိတ်ဆွဲလို့အိမ်ပြန်တာ။ သူတို့တွေက
တစ်နေကုန် လုပ်လက်စတွေဖြတ်၊ မနက်အတွက် လိုအပ်တာတွေစီစဉ် ပြင်ဆင်ထားခဲ့ရသေးသည်။ သူတို့
အဆောင်ပြန်ရချိန်က (၆)နာရီကျော်လို့ (၇)နာရီထိုး ဆိုတာ ဂျပိုးထိုးနေကျ ကျွန်တော်အသိ။
တစ်ရက်တွင် ဓါတ်ကျလို့ ရုံးဘက်သို့စောစော
ကျွန်တော်ခြေဦးလှည့်မိတော့ ဘယ်သူမှ မရောက်သေးတဲ့ ရုံးခန်းထဲမှာ တလှုပ်လှုပ်တရွရွ ညီမငယ်စာရေးမက
တစ်ယောက်တည်း ပန်းအိုးလဲ ဆွမ်းတော် တင်နေသည်။ ကုသိုလ်တွေရတော့မှာပဲလို့ စလိုက်မိတော့
“အစ်ကိုရေ ကုသိုလ်တော့ရမယ် ထင်ပါရဲ့…..အိမ်ကဘုရားကတော့ ငုတ်တုတ်၊ ပန်းတောင်မလဲနိုင်ဘူး…..ကြာတော့လေ
မွေးထားတဲ့ ကျွန်မကလေး ကတောင် ကျွန်မကိုစိမ်းနေပြီထင်ပါရဲ့…..ကျွန်မကလေ ရုံးအလုပ်ကို
သိမ်းကျုံးလုပ်နိုင်ပါရဲ့ …..ဝေယျာဝစ္စတွေက ပိနေတာ” တဲ့ သည်ဝေယျာဝစ္စကို ကျွန်တော်ကြားရပြန်သည်။
ကလေးအမေ ဝန်ထမ်းဘဝကို သနားရပြန်သည်။
အမေ့ရင်ခွင်ကို ခိုမှီးဖို့မျှော်နေရှာတဲ့
ခလေးငယ်ဘယ်နှယောက်ကိုများ ဝန်ထမ်း အိမ်ထောင်သည်တွေ မိခင် ဝတ္တရားကို ဖောက်ဖျက်စိမ်းကား ရက်စက်နေကြရပြီလဲ။
အဖြူရောင်တွေ မင်မူနေသော ဆံပင်ဖွာလန်ကျဲ၊
သွားတွေပေါ်အထပ်ထပ်တက်ထားတဲ့ကွမ်းချို၊ အဝါဘက် လုသမ်းနေတဲ့ စတစ်ကော်လာ အဖြူနွမ်း၊ ရီဝေဝေမျက်လုံးတွေနှင့်
အိတ်ကပ်အတွင်းက ၅၀တန်ဘောပင်က သူ့ဝန်ထမ်းသက်ကိုပြနေသည်။ “ကျွန်တော်လည်း လုပ်သက်ပင်စင်
ခံစားတော့မယ်၊ …..ကျွန်တော့်တို့က ဂျင်နရယ် ပြွန်းတွေပါ”လို့ ဆေးပင်စင်ခံစားဖို့ ကြိုးစားနေတဲ့
သူ့သူငယ်ချင်းကို ပြောနေသည့်အသံက ကြေကွဲသံတွေ အပြည့်ပါနေသည်။ သူက အမှန်တော့ အမှုထမ်းလိုင်းမှာ
ဂိတ်ဆုံး။ သူ့အောက်မှာ အငယ်တွေသာ ရှိတော့သည်။
“စိတ်ကိုကုန်လှပါပြီ၊…..တစ်ခါလာလည်းဒီရုံး…..တစ်ခါလာလည်းဒီရုံး…..သူတို့တစ်တွေမှာ
ငွေတွေ သည်လောက်
ချမ်းသာပါလျှက်
ဟိုတယ်သွားတည်းကြပါလား” ဒါက ရုံးတွင်းနေရရှာရသော သူငယ်ချင်း၏ ဇနီးထံမှ
ပွစိပွစိအသံဖြစ်
သည်။ သူငယ်ချင်းကတော့ “ငါဝန်ထမ်းပဲယူထားမိတာလား၊….. အိမ်ဖော် ယူထားတာလားကို
မကွဲပြားတော့ပါဘူးကွာ” ဟု ၀မ်းနည်းပက်လက် ဆိုရှာသည်။
သူငယ်ချင်း၏ဇနီးရုံးကို ဝင်ထွက်တည်းခိုကြတာက သူတို့လူကြီးတွေ
သာမက ထိုလူကြီးတို့၏ အပေါင်းအသင်း ဆွေမျိုးညာတကာ တစ်စုတွေလည်း
ပါသေးသည်ဆိုဘဲ။ သူငယ်ချင်းဇနီး
တစ်တွေမှာ ရုံးတွင်းနေအမာခံတွေမို့ တည်းသူတွေလာတိုင်း တံမြက်စည်းလှည်း၊
ကြမ်းတိုက်၊
အိပ်ယာခင်း၊ ပုဂံဆေး၊ စားပွဲထိုးလုပ်ကာ ကိုယ့်အခန်းလေး ကိုယ်ပြန်တော့
သန်းခေါင်ယံ။ ဒါကအမြဲလို့မပြောနိုင်တောင်
မကြာခဏ။ ကျွန်တော်က သူငယ်ချင်းနှင့်အတူ သူတို့သမီးလေးနဲ့ ကူဆော့နေကြမို့
ဓါတ်သိ။ “မေမေလာပြီလား”
“မေမေလာပြီလား” နဲ့ အိပ်ချင်စိတ်ဇွတ်တင်းထားကာ နောက်ဆုံးတော့
ကျွန်တော့်လက်ပေါ် သူငယ်ချင်း လက်ပေါ်
မျက်တောင်စဉ်းမှေး အိပ်ပျော်ရှာသော သမီးကလေးဖွေးဖွေး၏ သနားစရာပုံရိပ်က
မေ့မရ။
“ဆယ်တန်းအောင်လို့
တက္ကသိုလ်တက်ဘွဲ့ရခဲ့တာ
လူကြီးအင်္ကိင်္ျီလျှော်ဖို့ ထမင်းပြင်ကျွေးဖို့ လားတောင် မသိပါဘူးဟယ်” ဆိုလာတာက
နယ်တစ်နယ်တွင်
တာဝန်ထမ်းဆောင်နေသော ကျွန်တော်နှင့် ဆယ်တန်းအတူ အောင်ပြီး
အလုပ်ခွင်ထဲတန်းဝင်သွားသော
သူငယ်ချင်းမရဲ့ မချိတင်ကဲစကား။ “သူတို့ နယ်လာကြတာ ဟယ် အိမ်က မယား၊…..
အလုပ်သမားတော့ခေါ်ခဲ့တာ
မဟုတ်ဘူး…..အဝတ်လဲ ငါတို့လျှော်ပေးရ…..မီးပူတိုက်ပေးရ…..အိမ်ရှင်း၊
ထမင်းချက်ပြီး တစ်နေ့သုံးနပ်သွားပြင်ကျွေးရသေး တယ်ဟဲ့…..နယ်ဆိုတော့
ရုံးအလုပ်ကသိပ်မရှိပါဘူး…..ဒါပေမယ့် သွားချင်ရာမသွားရ၊ နားချင်တာလည်း
မနားရ…..စိတ်လွတ်ကိုယ်လွတ်ကိုမရှိပါဘူး၊…..နင့်ကိုအားကျလိုက်တာ”တဲ့။
သူငယ်ချင်းကိုလည်း သနားရပြန်ရော။
မန္တလေးတိုင်းဒေသကြီး၊ သာစည်မြို့နယ်၌
၂၀၀၂ခုနှစ် အောက်တိုဘာ(၄)ရက်နေ့က ပြုလုပ်သော ပွင့်လင်းလူ့အဖွဲ့အစည်း တွေ့ဆုံးဆွေးနွေးပွဲတွင်
ကိုမင်းကိုနိုင်က “ကျွန်တော်တို့ ကျောင်းထဲ မှာ ဒေါင်းအလံ ကိုင်ပြီး ထွက်လာတယ်ဆို တစ်ချက်ထဲပါ။
အနိုင်ကျင့်လွန်းနေလို့။ မခံချင်လို့ပြန်ချတာ ဒီတစ်ခု ထဲပါ။ ကျွန်တော်ကိုယ်တိုင် ဘတ်စ်ကားစီးပြီးကျောင်းသွားရတဲ့
ကျောင်းသားတစ်ဦးပါ။ ဘာမှ အခွင့်ထူး ခံမရှိဘူး။ သာမန်ပြည်သူထဲက မွေးဖွားလာတဲ့ သားတစ်ယောက်ပါ။ ဘတ်စ်ကား စီးပြီးကျောင်းသွားနေရတဲ့ ဘ၀မှာ ရုံးချိန်ကြီးမှာ
နိုင်ငံတော် ကောင်စီတစ်ယောက်ရဲ့ 929 ကားကြီးက အတင်းကျော်တက် ပါတယ်။ သူရုံးသွားမယ်ပေါ့။
ဘတ်စ်ကားကလည်း ရုံးသမားတွေနဲ့ ကျောက်ကုန်းပေါ် ကို တက်နေတဲ့အချိန်မှာ အဲ့တုန်းက လမ်းလေးတွေက
ကျဉ်းကျဉ်းလေး မျက်နှာချင်းဆိုင် နှစ်စီးပဲရှောင်လို့ ရတယ်။ အဲ့ဒီကားကြီး ဂီးဂီးလို့အော်ပြီးတက်နေတဲ့
အချိန်မှာ နောက်ကနိုင်ငံတော် ကောင်စီက သူ့ကို လမ်းမပေးရကောင်းလားဆိုပြီးတော့ ဟွန်းတွေတရစပ်တီးပြီးတော့။
သူ့ပေးလို့မရဘူး။ အဲ့ဒါကို သူ မစဉ်းစားနိုင်ဘူး။ ရှောင်လို့ရတဲ့အချိန်မှာ သူကကျော်တက်ပြီးတော့
ကားပေါ်ကဆင်း ပြီးတော့ ကားမောင်းတဲ့လူကို ကိုယ်ထိလက်ရောက် ကျူးလွန်တယ်။ အဲ့ဒီသတင်းကြားတာနဲ့
ကျွန်တော်တို့ ကျောင်းလွယ်အိတ်ကို ချပြီး လိုက်သွားတယ်။ ဒါမျိုးတော့ ဘယ်လိုမှလက်မခံနိုင်ဘူး။
ရုံးဝန်ထမ်းတွေလည်း နိုင်ငံဝန်ထမ်းဖို့လာတာ။ အဲ့တာကို သူနားမလည်ဘူးလား။ သူတစ်ယောက် ထဲ
နိုင်ငံဝန်ထမ်းဖို့လာတာမှ မဟုတ်တာ ဒီလောက်ပြောသိရောပေါ့။ အဲ့ဒီလို အနိုင်ကျင့်တာတွေ ဟာ
နေရာတကာမှာ။ ဒီနေရာမှမဟုတ်ဘူး။ အခွင့်ထူးခံတယ်။ အနိုင်ကျင့်တယ်။ နှစ်ချက် အဲ့နှစ်ချက်ကို မခံချင်လို့ ကျွန်တော်တို့ တုန့်ပြန်တာ။
ကျွန်တော်တို့ အမှန်တရားအတွက်ပဲ” လို့ပြောသွားတာကို အမှတ်ရ နေပြန်သည်။
သည်ဟာက အမှောင်ကာလဆိုးတစ်ခုကို လျှပ်ပြက်လက်ပြလိုက်သော
စကားတွေဘဲဖြစ်ပါသည်။ ကျွန်တော်တို့နိုင်ငံမှာ အခွင့်ထူးခံတာတွေက အီဝခဲ့ပါပြီ။ တော်လည်းတော်လောက်ပါပြီ။
ဒီမိုကရေစီအစိုးရဟု ကမ္ဘာကိုကြေညာနေသော ကာလလည်းဖြစ်ပါသည်။ အလင်းတစ်ချို့လည်း ရောင်နီ ပျို့နေပါပြီ။
တကယ်ပြုပြင်ပြောင်း လဲဖို့ အခါတော်လည်းရောက်ပါပြီ။ တနွယ်ငင်တစင်ပါလို့ လူ့အခွင့်အရေး ချိုးဖောက်ခံရမှုတွေထဲ
လူမမယ်လေးတွေက အစစ်ပါနေရတာ သနားစရာကောင်းလှပါပြီ။ ကျွန်တော်တို့နေထိုင်ကြတာက လူသားတို့ကမ္ဘာမဟုတ်ပါ
လား။
ကိုမင်းကိုနိုင်စကားပြန်ကောက်ရပါလျှင်
“ရုံးဝန်ထမ်းတွေလည်း နိုင်ငံဝန်ထမ်းဖို့လာတာ။ အဲ့ဒါကို သူမသိဘူးလား။ သူတစ်ယောက်တည်း
နိုင်ငံဝန်ထမ်းဖို့လာတာမှ မဟုတ်တာ” ဆိုတာက သိပ်လှတဲ့ လူမူကျင့်ဝတ်တွေ လူသားအခွင့်အရေးတွေကို
လှစ်ဟာပြလိုက်သလို ဘွားဘွားကြီးမြင်လိုက်ရပါသည်။ လခစားချင်း သူတို့ခွဲခြား သတ်မှတ်သော
အရာထမ်းဆိုသူတွေက အမှုထမ်းတွေအပေါ် ငါခိုင်းတာအကုန် လုပ်ရမယ်ဆိုရင် တရားမျှတပါ့မလား။
သူတို့လည်း သူတို့မိတ်ဆွေ၊ သူတို့ဇနီး၊ သူတို့သား၊ သူတို့ မယားတွေနှင့် အများခံစားရသော
ရုံးပိတ်ရက်၊ အားရက်၊ နားရက်များကိုခံစားချင်ကြပါလိမ့်မည်။ သတ်မှတ်သော ရုံးဆင်းချိန်တွေအတိုင်း
အိမ်အရောက်ပြန်ချင်ဇောတွေ ပြင်းထန်ပါလိမ့်မည်။ ယဉ်ကျေးသော ကမ္ဘာတွင် လူသားချင်းစာနာတာက
ဓလေ့ပင် ဖြစ်ပါသည်။
ကျွန်တော်တို့လူ့ပတ်ဝန်းကျင်တွင် ကွယ်နေသောဒေါင့်ကလေးတွေ
ရှိတတ်ပါသည်။ ထိုဒေါင့် ကလေးများမှာ အကွယ်တွင် နေရရှာသောအခါ သာမန်ကာလျှံကာဖြင့် မမြင်တတ်ကြ ဘဲ
ကျော်လွှား သွားလာနေတတ် ကြပါသည်။ အပြင်တွင် ရှင်းသန့်လင်းလက်နေသော အခါများတွင် ကွယ်ဒေါင့် ကလေးများ တွင်တော့
အမှိုက်တွေ၊ ဖုန်တွေသာမက ပင့်ကူတို့ကလည်း အိမ်ဖွဲ့ပြီး ကြီးစိုးတတ်ပါသေး သည်။ သေချာတာ ကတော့
ကွယ်ဒေါင့်လေးတွေ မှာလည်း သူတို့ရင်ထဲက ဆန္ဒလေးတွေကို ထုတ်ဖော်ပြောပြချင်စိတ် ရှိကြစမြဲဆိုတာ
ဖြစ်ပါသည်။ သူတို့ဒေါင့်လေး တွေမှာ လည်း ဒေါင့်လေးတွေ အလျှောက် ဆေးသုတ်သစ်လွင် အလင်းမြင်ချင်သည် ဆိုတာပင် ဖြစ်ပါသည်။
ပြတ်သား
