Tuesday, July 31, 2012

လိမ်ခဲ့မိပါသည်

 
                                        လိမ်ခဲ့မိပါသည်
သင်တစ်စုံတစ်ယောက်အတွက်၊လိမ်ပေးခဲ့ဘူးပါသလား။မိမိကတော့တပည့်တစ်ဦးအတွက်လိမ်းပေး   ခဲ မိဘူးပါသည်။ဟိုးတုန်းကတပည့်တစ်ယောက်ပေ့ါ။သူ့ကို(၈/၉/၁၀)တန်းတွေဆက်တိုက်သင်ခဲ့ရ
တော့၊မိမိရဲ့၊မိမိရဲ့လက်ရင်းချစ်တပည့်ပေါ့။အလွန်လည်းရင်းနှီးခဲ့ပါတယ်။
          (၁၀)တန်းအောင်တော့၊သူအရာရှိ့သင်တန်းတစ်ခုတက်ခဲ့တယ်။သင်တန်းကပြန်လာတိုင်း၊
ဆရာ့ကို သတိရလွန်းလို့ဆိုပြီး၊ခရီးရောက်မဆိုက်၊လာတတ်တဲ့၊တပည့်ပါ။ဒီလောက်မိမိကိုချစ်ခင်လေး
စားတော့၊သူ့အကြောင်း၊ကျောင်းသူ/သားတွေပြောလို့၊၀မ်းသာဂုဏ်ယူနေခဲ့မိပါတယ်။
ဒီလိုနေရင်း၊သူလည်းနိုင်ငံခြားရောက်၊နောက်ရာထူး(ရှုးတာ)တွေမြင့်ပေါ့။သူရာထူးအတော်အတန်မြင့်တဲ့၊မြင့်တဲ့နေရာလည်းရောက်တော့၊အိမ်ထောင်ပြုပြီပေါ့။သူဌေးသမီးပါဘဲ၊အင်းလေအရွှယ်
ရောက်ပြီဆိုတော့၊အိမ်ထောင်ပြုသင့်ဘီဘဲလေ။ရွှေနဲ့မြ၊နေနဲ့လ တင့်တယ်ပါတယ်လေ။
          သူစေ့စပ်ပွဲလုပ်တော့၊ခါတိုင်းဆရာကို၊မတွေ့ရ မနေနိုင်၊မလာရမနေနိုင်တဲ့တပည့်တစ်
ယောက်၊သူကှိုယ်တိုင်၊လာမဖိတ်နိုင်တော့ဘဲ၊ဆရာ့ကိုလူကြုံနဲ့ ဖိတ်စာပို့ပပေးလိုက်တ်ယ်လေ။
ဆရာခွင့်လွတ်ပါတယ်။သူ့ခမျာ မအားလို့နေမှာပါ။ဆရာလည်းစာသင်ပျက်မှာစိုးလို့၊စေ့စပ်ပွဲကို
မသွားဖြစ်ခဲ့ပါဘူး။ဟုတ်တယ်လေ ၊ဆရာသင်းတန်းပျက်ရင်၊ကျောင်းသူ/သူ(၁၀၀)လောက်၊စာသင်
ပျက်သွားမှာလေ။
          ဒါပေမဲ့၊မင်္ဂလာဆောင်နေ့မှာတော့၊မဖြစ်မနေသွားခဲ့သွားခဲ့ပါတယ်။မင်္ဂလာဆောင်ကလည်း
စည်လိုက်တာလွန်ပါရော၊အရာရှိ့ကြီးတစ်ယောက်၊သူဌေးသမီးကြီးတစ်ယောက်ရဲ့၊မင်္ဂလာဆောင်ကိုး
မိမိလည်းအဲဒီနေ့ကစောစောရောက်ဖြစ်တယ်။တွေ့ရင်စေ့စပ်ပွဲနေ့က၊ဘာလို့မလာဖြစ်တာလဲဆိုတာ
ရှင်းပြရင်း၊ဟိုဟိုဒီဒီပြောရင်းနေကြမယ်ပေါ့။
          မင်္ဂလာပွဲကိုရောက်တော့မိမိကတပည့်ကိုတွေ့ပါတယ်။မိမိကိုမတွေ့သေးလို့နေမှာဘဲဆိုပြီး
ဧည့်ခံဝိုင်းမှာထိုင်နေ့မိပါတယ်။ဟော့……ငါ့ဘက်ကိုကြည့်နေပြီ၊ငါကိုလာနုတ်ဆက်မယ်ထင်ပါ့။အင်း…
သူလာနုတ်ဆက်ရင်၊ငါဆိုတဲ့အညတရဆရာတစ်ယောက်က၊ဒီလိုကြီးမြင့်တဲ့၊သားကောင်းတစ်ယောက်ကိုမွေးထုတ်ပေးနိုင်ပါလား၊လို့လူတွေက၊ငါ့ကိုသိကြမယ်၊မြင်ကြမယ်၊ငါလည်းဂုဏ်ယူရမယ်ပေါ့။
          သူ ငါက်ိုမြင်ပေမဲ့မလာခဲ့ပါဘူး။ဟူး…………ကြည့်တော့ကြည့်တယ်၊မမြင်ရှာလို့နေမှာပါဆိုပြီး
ငါစဉ်းစားနေမတယ်။ဟော…သူမျက်နှာပြုံးလာပြန်ဘီ၊လောလော လောလောနဲ့ငါ့ဘက်ကိုလျှောက်လာ
နေပြီ။ငါ့ကိုလာနုတ်ဆက်တာထင်တယ်။ဆရာလဲ့ ထူးထူးခြားခြား နှလုံးတွေခုံလို့ပေါ့။ဆရာလည်းသူ
လာရာလမ်းကို၊ပြုံးပြီဆီးကြိုနေမိပါတယ်။အို…အနားရောက်တော့မှသိတယ်၊ဆရာ့ကိုလာနုတ်ဆက်တာမှမဟုတ်ဘဲ၊မိမိနောက်က၊ဂုဏ်သရေရှိ့လူကြီးတစ်ယောက်ကို၊သွားနုတ်ဆက်နေတာကိုတွေ့လိုက်ရတယ်လေ။
          မိမိကတော့စိတ်ပျက်နေမိတာအမှန်ပါ။ဒါပေမဲ့ဇွဲကတော့မလျှောသေးပါဘူး။ငါ့ကို တကယ်မမြင်
လို့နေမှာပါဆိုပြီး၊စိတ်ကိုဖြေနေမိပါတယ်။ဒီလိုနဲ့ဧည့်သည်တွေလဲ တဖွဲဖွဲပေါ့။တပည့်ကတောပျော်လို့
နုတ်ဆက်လို့ပေါ့။မကြာခင်မှာဘဲ၊ဒို့မြို့နယ်က၊လူကြီး၊အကြီးက၊ပန်းကုံးစွပ်ပေးမဲအကြောင်း၊၀မ်းသာ
ဂုဏ်ယူရပါကြောင်း၊ကြေညာတာ၊ကြားလိုက်ရတယ်၊ဒါနဲ့ဘဲ၊မိမိလည်း၊ထိုင်နေလဲအကြိုးမထူးဘူးဆိုပြီး
အိမ်ကိုလှေးကန်တဲ့ခြေလှမ်းတွေနဲ့၊ပြန်ခဲ့ပါတော့တယ်။
          အိမ်ရောက်တော့၊အမျိုးသမီး(မိန်းမ)ကမေးတယ်၊တော့ချစ်တပည့်နဲ့တွေ့ခဲ့လား။တော့ကို
ကောင်းကောင်းဧည့်ခံစကားပြောသလား။တော့ချစ်တပည့်ဆိုတော့၊သူ့မင်္ဂလာဆောင်မှာ၊တော်တော့ အတော့ကိုမျက်နှာပန်းပွင့်ခဲ့မှာဘဲနော်။အတော်ပျော်ခဲ့ရမှာဘဲနော်တဲ့။ငါလည်းရင်ထဲကမချိစွာနဲ့၊ ဟန်လုပ်ပြုံးပြရင်း၊ဟုတ်တယ်ကွာ၊တကယ့်ကိုဧည့်ဝတ်ကျေလွန်းတဲ့တပည့်ပါဘဲ၊မင်းကိုတောင်ဘာလို့
လိုက်မလာတာလဲလို့မေးနေသေးတယ်လို့ညာလိုက်မိပါတော့တယ်။……………………

No comments: